स्वस्थ शरीर, शान्त मन र आनान्दित हृदयका लागि योग नै सहज उपाय

पाँचौँ अन्तर्राष्ट्रिय योग दिवसका अवसरमा योग प्रशिक्षक, मोटीभेसनल ट्रेनर तथा राइट लाइफ फाउण्डेशनका अध्यक्ष राजेन्द्रप्रसाद न्यौपाने सँग द टाइम्स अफ नेपालका रिपोर्टर बाबुराम पोखरेलले लिएको अन्तरवार्ता जस्ताको तस्तैः–

१. हाल के गर्दै हुनुहुन्छ ?
हाल विभिन्न विद्यालय र कलेजमा प्रक्षिशण कार्यक्रमहरु दिने एवं स्वदेशी र विदेशीहरुलाई योग सम्बन्धि तालिम
(प्रशिक्षण) दिने कामहरु गर्दै छु ।यो पनि छुटाउनु भयो कि ?

२.योगबाट मानिसलाई हुने फाइदाहरु के हुन त ?
सारमा भन्नु पर्दा योगले मानिसलाई शारिरीक, मानसिक र आध्यात्मिक फाइदाहरु दिने गर्दछ ।
रोग, शोक –चिन्ता (तनाव) र बन्धनबाट मुक्ति पाउनको लागि योग हिजो आज र भोलिका लागि सबभन्दा बढि
फाइदा दिनेमा पर्दछ । स्वस्थ शरीर, शान्त मन र आनान्दित हृदयका लागि योग नै सहज उपाय भएकाले नै योग
संसारभर नै लोकप्रिय हुदै गएको हो ।

३. तपाईले योग अभ्यास गराउने क्रममा आम जनमानसबाट प्राप्त गर्नु भएको उपलब्धीमूलक कुरा ?
सर्बप्रथम आम जनतानसले योग बाट जीवनलाई अझ सुन्दर बनाउन सकिने रहेछ भन्ने कुरा सिक्नु हो ।
जीवनलाई सकरात्मक ढङ्गले परिवर्तन गर्न सकिने बाटो खुलेको कुरा सहभागीहरुले बताउनु भएको पाइन्छ । यहि
नै उपलब्धी मान्न सकिन्छ ।

४. तपाई यस क्षेत्रमा आवद्ध हुनको लागि प्रेरणाको स्रोत ?
विचार विज्ञान र गीता दुई पुस्तकहरु नै यस क्षेत्रमा आवद्ध हुनको लागी प्रेरणाको स्रोत हुन् ।

५. तपाई जीवनमा आइपरेको अविस्मरणीय क्षण ?
विद्यार्थी जिवनमा एस एल सी दिने समयमा आंखा कम्जोरी भएर चस्मा किन्न पैसा नभएको बेलामा
घरबेटिले थाहापाएर चस्मा किन्दीनुभयो र मैले परिक्षा दिन पाए यही नै मेरो जिवनको अविस्मरणीय क्षेण बन्यो ।
 

६. अन्त्यमा ?
अन्त्यमा म के भन्न चाहन्छु भने नेपाल योगभुमि/तपोभुमि/बुद्धभुमि भएकोले गुणस्तरीय योग शिक्षाद्वारा
नेपालीहरुले योग सभ्यतालाई जोगाएर योग र योग पर्यटनका लागि नेपाल गन्तव्य स्थल हो भन्ने कुरा विश्वलाई
देखाउन सक्नु पर्दछ ।